مـنـتـديات شـبـاب كـدش
عزيزي الزائرعزيزتي الزائرة

نتمنى منكم تسجيل الدخول اذا كنت عضو في المنتدى
والتسجيل اذا كنت زائر
بعد ان تأخذ جولـة في المنتديـات
وسيشرفنـا كثيـرا انضمـآمكـ لأسرتـنـا
مـع تحيـاتنــا : المدير العام


كـدش لـلـفـن والابـداع
 
الرئيسيةاليوميةالأعضاءالتسجيلدخول

شاطر | 
 

 بيت للبيع بــ 1500 رياااال ههههههههههههههه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
==سهم الحب==>
نـشـيـط
نـشـيـط


المشاركات : 81
السٌّمعَة : 0
تاريخ التسجيل : 25/01/2010

مُساهمةموضوع: بيت للبيع بــ 1500 رياااال ههههههههههههههه   الإثنين يناير 25, 2010 8:49 am

بعض الناس انهبلت وإلاهي منهبله خلقه

طلعت من هايبر ماركت قبل شوي وانا بركب موتري الا اشوف هاك الاعلان
على قزاز الهايبر ماركت بيت للبيع وقريه كامله للبيع
لظروف السفر والابتعاث ؟!!!
وبسعر مغري بترا فيان
وحاط رقم جواله
المهم وانا ادق عليه قلت غدية بيبيع ومحتاج ونستفيد كم قرش بعد ترميم البيت
وجلست افكر وين هالحي فيه الي اسمه ترافيان
مايهم يمكن من الاحياء الجديده وطقتها
وانا الي ادق
حاط صدى اغنية طلال مداح كنغمة رن (مقادير ياقلب العناء )
قلت شكله عنده ظروف قاهره والرجال غرقان لشوشته ويبي يبيع باسرع وقت
وارجع ريوس واشق الاعلان قلت لاحد يشوفه ويخرب علينا البيعه ويسبقتا
المهم
رد مرحبا
قلت السلام عليكم
وعليكم السلام
كيف حالك اخوي ان شاء الله تمام
قال الحمدلله
قلت شفت اعلانك لبيع البيت
البيت جديد ولا قديم ؟
قال جديد من بدايات 2009
قلت كم سيم وحدك يالغالي
قال منيب طماع
وتراي سمح
وانا الي اقول بقلبي غدي الدرج مفصول ارغب له وفيه مسبح وبايكه وبيت شعر
ومكيفات اسبيلت والبويه فيلفت
المهم قلت وش المواصفات
وهو الي يقول
اخوي من جد فرصه لاتفوتك قال اسم الولد الله يسلمك قلت محمد
قال هذي الموصفات يابومحمد
قريتي في ترافيان
وانا الي اهوجس واقول شكله مطنوخ راعي قرى وشاليهات ومنتزهات
قلت الله يزيدك من نعيمه
شوي ويقول
عدد السكان 4077
لها 6 قرى فرعية
قلت مشاء الله تبارك الله
اشتراك قوي 20 على السيرفر
ترتيب القرية 1250
فيها320 ذهب (قلت شكل البير الارتوازي يسمونه ذهب من زود غلاه )
والمطلوب 1500 ريال يالشيخ
قلت وش الي ب1500
قلت بقلبي شكله مكثر اللبن او ان البيت فيه انا وش هالسعر
اكيد انه مهوب صاحي لا بالله 1500 اكيد مهبول ولا يحسبني باستاجر يومي
وانا الي اسئله
بكم
قال 1500
وانا الي اصرخ واقول انت صادق ولا تمزح
قال جاد يابو محمد ولولا الظروف قسم بالله ما ابيعها ؟؟؟
وانا الي اسئله الصك بسمك ؟؟ البيت عليه مشاكل ارث او غيره ؟
الحي معتمد من الامانه ؟؟؟؟؟
الخدمات واصله ؟؟
قال ياخوي انت وش فيك اي ارث واي مشاكل واي خدمات وهو الي يحطه على السبيكر
قلت شكلي احرجته والرجال حساس
قلت له
والبيت وينه فيه ؟؟؟؟؟؟
قال بترافيان
قلت وترافيان باي مكان ؟
قال ايش ؟
من قال ايش قلت شكلي غلطت قلت يالشيخ
الله يطول بعمرك حي ترافيان وين مكانه فيه ؟
قال تستهبل انت ؟
قلت لا والله منيب استهبل اول مره اسمع بالحي
قال اي حي قلت الي انت باني فيه حي الترافيان
وهو يضحك واسمع ضحكات من حوله اثره حاطه ع السبيكر
قال انت ماعندك كمبيوتر قلت الا
قال ولا عمرك دخلت ترافيان قلت ابد
حدي منتديات الاسهم ؟
قال ترافيان لعبه
واشتراك السيرفر33

قلت وشوا ؟
وانا الي اقطع الخط
ويجلس يدقدق وانا الي مارديت عليه
وارقام غريبه تدق
وتاليها حسبي الله ونعم الوكيل
هو الي يرسل
لي رساله (( حياك الله يابو محمد على النزاله حاطين عشاء في بيتنا الجديد بترافيان ))
وحاطط ههههههههههههه


يضرب ترافيان وتضرب سنينها هبلت بشبابنا هالالعاب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
==سهم الحب==>
نـشـيـط
نـشـيـط


المشاركات : 81
السٌّمعَة : 0
تاريخ التسجيل : 25/01/2010

مُساهمةموضوع: رد: بيت للبيع بــ 1500 رياااال ههههههههههههههه   الأحد فبراير 07, 2010 3:29 am

وين الردووووود؟؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
بيت للبيع بــ 1500 رياااال ههههههههههههههه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» عروسة صينية 1500 جنية حد يلحق مصر من الفتن
» حمل 1500 لعبة في 5 ميجا فقط
» سوفت ولودر وقنوات سانيو سات 1500
» صفتك من شهر ميلادك
» امين مستودع -1500ريال سعودي

صلاحيات هذا المنتدى:لاتستطيع الرد على المواضيع في هذا المنتدى
مـنـتـديات شـبـاب كـدش :: الأقسام الأدبية ≈ :: الـــــقــــصــــــص والـــــروايــــــات ≈-
انتقل الى: